U realizua me sukses shpërndarja e lodrave dhe librave në katër shkollat partnere të projektit “Rritja e përfshirjes në edukimin parashkollor dhe fillor”: Sh.F.M.U. “Mati Logoreci”, Sh.F.M.U. “Haziz Tola” dhe Sh.F.M.U. “Lekë Dukagjni” në Prizren si dhe Sh.F.M.U. “Martin Camaj”, Istog.
Materialet edukative u vendosën në klasat e edukimit parafillor, duke krijuar biblioteka të lodrave që ofrojnë një mjedis të pasur dhe stimulues për zhvillimin kognitiv, social dhe emocional të fëmijëve.
Pas përfundimit të shpërndarjes, u organizuan sesione inauguruese simbolike në secilën nga katër shkollat partnere. Në këto sesione morën pjesë prindërit përfitues, stafi i shkollës dhe palët e tjera të interesit.
________________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG NEAR) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti dhe Vizion 02.
