Më 21 shkurt 2025, në Prizren, u mbajt trajnimi për Fasilitatorë në metodologjinë “Tregimi juaj/Your Story.”
Ky trajnim u realizua në bashkëpunim mes “Save the Children Kosova” dhe KEC, duke mbledhur së bashku prindër, studentë, si dhe mediatorë e mobilizues të komunitetit.
Gjatë trajnimit, pjesëmarrësit u angazhuan në simulime praktike dhe diskutime të hapura, duke eksploruar strategji efektive për të motivuar dhe angazhuar prindërit, veçanërisht ata nga komunitetet rom, ashkali dhe egjiptian.
Me këtë përvojë të vlefshme, fasilitatorët janë duke u përgatitur për të sjellë një ndikim pozitiv në komunitetet e tyre.
____________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG NEAR) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti dhe Vizion 02.
