Projekti “Iniciativa për gjithëpërfshirje digjitale – DII” është një projekt rajonal trevjeçar i cili ka filluar në dhjetor 2024 dhe zbatohet nga KEC në partneritet me pesë organizata partnere: Centar za obrazovne politike / Centre for Education Policy nga Serbia, COI Step by Step nga Bosnja dhe Hercegovina, МЦГО – Македонски центар за граѓанско образование / MCEC nga Maqedonia e Veriut, Civil Society Development Center nga Shqipëria dhe proMENTE socijalna istraživanja nga Bosnja dhe Hercegovina.
Sot dhe nesër do të mbahet takimi i parë i Komitetit Drejtues të projektit, mandati i të cilit është të përcaktojë drejtimin e përgjithshëm strategjik të projektit si dhe të monitorojë zbatimin e tij.
Gjatë këtij takimi, do të shqyrtohet progresi i deritanishëm i projektit dhe do të diskutohet plani i punës për periudhën në vazhdim. Takimi njëherazi shënon një hap të rëndësishëm drejt koordinimit dhe bashkëpunimit rajonal në kuadër të projektit.
______________________
Projekti “Iniciativa për gjithëpërfshirje digjitale – DII” financohet nga Bashkimi Evropian dhe ka për qëllim të forcojë rolin e OJQ-ve nga Ballkani Perëndimor në promovimin e demokracive pjesëmarrëse dhe procesin e përafrimit me BE-në, duke forcuar kapacitetet e tyre për zhvillimin e politikave dhe avokimin për përfshirjen digjitale.
