Po mbahet punëtoria treditore me titull “Shfrytëzimi i Inteligjencës Artificiale për Përfshirje të Barabartë Digjitale: Mundësitë, Rreziqet dhe Qasjet Praktike”, e cila ka mbledhur anëtarët e konsorciumit të projektit Digital Inclusion Initiative dhe përfaqësuesit e organizatave me bazë në komunitet.
Gjatë punëtorisë, pjesëmarrësit po shqyrtojnë mundësitë dhe rreziqet që lidhen me Inteligjencën Artificiale (IA), mundësitë e përdorimit të saj në punën e organizatave që përfaqësojnë, si dhe parimet dhe udhëzimet që duhet të orientojnë përdorimin e saj të përgjegjshëm.
Një pjesë e rëndësishme e punëtorisë është hartimi i një plani konkret veprimi për secilën organizatë, me qëllim që njohuritë e fituara dhe idetë e shkëmbyera të shndërrohen në veprime praktike në kuadër të organizatave dhe komuniteteve ku ato veprojnë.
_____________
Projekti “Iniciativa për gjithëpërfshirje digjitale – DII” financohet nga Bashkimi Evropian dhe ka për qëllim të forcojë rolin e OJQ-ve nga Ballkani Perëndimor në promovimin e demokracive pjesëmarrëse dhe procesin e përafrimit me BE-në, duke forcuar kapacitetet e tyre për zhvillimin e politikave dhe avokimin për përfshirjen digjitale.
