Në kuadër të projektit Kosovision Contest, u mbajt ceremonia e shpërblimeve.
Në këtë ceremoni, përveç ndarjes së shpërblimeve, nxënës nga vende të ndryshme performuan pika shumë interesante. Ndërsa, mesazhet e Institucioneve dhe drejtuesve të projektit, dëshmuan rëndësinë dhe seriozitetin e këtij projekti.
Projekti Kosovision Contest është një projekt arsimor në formë të një gare kombëtare që u mundëson nxënësve të kontribuojnë për të ardhmen e vendit të tyre përmes projekteve të ndryshme. Ky projekt implementohet nga Qendra për Arsim e Kosovës dhe financohet nga Ministria e Arsimit, Shkencës dhe Teknologjisë.
