Me sukses kemi përmbyllur ciklin e vizitave në 30 shkolla në komunat: Gjilan, Lipjan, Kamenicë, Dragash, Prizren, Mitrovicë dhe Obiliq, ku kemi punuar për funksionalizimin dhe promovimin e Këndeve të Ndërmjetësimit.
Këto kënde synojnë të krijojnë një kulturë të zgjidhjes paqësore të konflikteve mes bashkëmoshatarëve, duke inkurajuar komunikimin, mirëkuptimin dhe bashkëpunimin ndërmjet nxënësve.
Përgjatë këtyre vizitave, kemi bashkëbiseduar me nxënës, mësimdhënës dhe drejtues shkollash për rëndësinë e ndërmjetësimit si një mjet për parandalimin e konflikteve dhe krijimin e një mjedisi shkollor më të sigurt dhe më gjithëpërfshirës.
Falënderojmë të gjithë nxënësit dhe mësimdhënësit që kontribuan në këtë proces dhe që angazhohen për të fuqizuar kulturën e dialogut dhe mirëkuptimit në shkolla!
___________________
Projekti “Të Rinjtë e Fuqizuar përmes Shkollave Gjithëpërfshirëse – YESS” mbështetet financiarisht nga Fondi për Ndërtimin e Paqes, në partneritet me Unicef Kosovo Programme dhe IOM Kosovo.
