Sot u mbajt një tryezë diskutimi në bashkëpunim me Qendrën për Aftësim Profesional në Gjilan, me temën: “Rëndësia e trajnimeve profesionale në zhvillimin dhe punësimin e të rinjve.”
Gjatë tryezës u theksua rëndësia që kanë programet e aftësimit profesional në përgatitjen e të rinjve për tregun e punës, si dhe roli i bashkëpunimit ndërmjet institucioneve, bizneseve dhe qendrave të trajnimit në krijimin e mundësive të reja për punësim.
Pas diskutimeve, të rinjtë patën mundësinë të vizitojnë Panairin e Punës, ku morën pjesë biznese dhe institucione të ndryshme. Ky aktivitet u krijoi pjesëmarrësve mundësi të drejtpërdrejta për të njohur nga afër ofertat për punësim dhe programe të aftësimit profesional.
Përmes pjesëmarrjes në këtë panair, të rinjtë ndërtuan ura të reja bashkëpunimi me përfaqësues të sektorit privat dhe publik, duke hapur rrugë për angazhime të ardhshme profesionale.
______________________
Projekti YEEP 2 zbatohet nga Qendra për Arsim e Kosovës (KEC), në partneritet me SOS Fshatrat e Fëmijëve Kosovë financuar nga Ministria Federale e Gjermanisë për Bashkëpunim Ekonomik dhe Zhvillim (BMZ), SOS Fshatrat e Fëmijëve në te gjithë botën dhe fondi Hermann-Gmeiner (HGFD)
