Një grup prej 30 nxënësish nga SHMLM Kongresi i Manastirit- Pozharan dhe nga shkolla “JU SREDNJA MAŠINSKA TEHNIČKA ŠKOLA SARAJEVO” nga Sarajeva, zhvilluan një vizitë në Qendrën për Arsim të Kosovës (KEC).
Ata e nisën ditën në Qendrën e Trajnimeve, ku u njoftuan me programet, platformat dhe nismat që mbështesin zhvillimin profesional të mësuesve dhe shkollave. Më pas, vizituan shkollën Mileniumi i Trete, ku patën mundësinë të shohin nga afër hapësirat moderne dhe mënyrat inovative të të nxënit.
Vizita u finalizua në ambientet e KEC-it, përmes një bashkëbisedimi të hapur dhe mjaft të gjallë për arsimin, përvojat e tyre dhe idetë për bashkëpunim të mëtejshëm ndërmjet shkollave.
I falenderojmë sinqerisht nxënësit dhe mësimdhënësit për frymën pozitive dhe kurreshtjen e tyre, dhe mezi presim takime të tjera të ngjashme në të ardhmen.
