Në ambientet e Qendrës Mësimore në komunitet në fshatin Gurakoc (Komuna e Istogut), me datë 25 korrik u mbajt një tryezë diskutimi e organizuar nga OJQ “Vision 02”. Kjo tryezë u zhvillua në kuadër të fazës së dytë të projektit “Rritja e përfshirjes në edukimin parashkollor dhe fillor”.
Tema e diskutimit ishte: “Rëndësia e shkollimit, regjistrimit dhe mosbraktisjes së shkollës nga fëmijët e komuniteteve rom, ashkali dhe egjiptian.” Në tryezë morën pjesë përfaqësues të ndryshëm, përfshirë: Zyrtarë nga Komuna e Istogut, Anëtarë të Këshillit të Prindërve, Prindër të fëmijëve nga komunitetet rom, ashkali dhe egjiptian, Drejtorë dhe mësimdhënës nga shkollat fillore, Edukatorë të Qendrës Mësimore, Zyrtarë Policorë.
U theksua se për të arritur përfshirje më të madhe dhe cilësore në arsim, është e domosdoshme një bashkëpunim i ngushtë mes institucioneve lokale, shkollave, prindërve dhe organizatave të shoqërisë civile.
_________________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG NEAR) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti dhe Vizion 02.
