Javën e kaluar, prej 16-18 tetor 2025, në kuadër të projektit ValuED (Avancimi i edukimit të bazuar në vlera përmes reformës së politikave dhe praktikave të zhvillimit të mësimdhënësve në Kosovë) është mbajtur një trajnim treditësh për stafin akademik të Fakultetetit të Edukimit nga Universiteti i Prishtinës dhe Universiteti i “Ukshin Hoti” në Prizren, me temën e edukimit të bazuar në vlera (VBE) dhe edukimit për qytetari demokratike (EDC).
Qëllimi i trajnimit ishte të forcojë kapacitetet e edukatorëve universitarë për të integruar qasjet e edukimit të bazuar në vlera dhe edukimit për qytetari demokratike në programet e edukimit të mësuesve, duke nxitur mjedise mësimore gjithëpërfshirëse, demokratike dhe të bazuara në etikë.
KEC është partner në zbatimin e projektit, dhe ka kontribuuar në këtë aktivitet të rëndësishëm të zhvillimit profesional të mësimdhënësve universitarë, përmes angazhimit të bashkëpunëtorit tonë të kamotshëm, ekspertit të edukimit për qytetari demokratike, profesorit Rolf Gollob.
_____________
Projekti Value-based Education Project është bashkëfinancuar nga programi #Erasmus+ i Bashkimit Evropian dhe zbatohet nga Fakulteti i Edukimit / Fakulteti i Edukimit-UP, në partneritet me:
Universiteti “Ukshin Hoti” Prizren
Ministria e Arsimit, Shkencës, Teknologjisë dhe Inovacionit
Universität Graz (UG)
Ludwig-Maximilians-Universität München LMU)
Qendra për Arsim e Kosovës – KEC
Instituti EdGuard
