Gjatë vikendit ka filluar trajnimi fillestar 5-ditor “Hap pas Hapi” për edukatorët dhe mësuesit klasorë që punojnë me fëmijë të moshave 3-6 vjeç nga 4 shkolla partnere në Prizren dhe Istog, në kuadër të projektit “Rritja e përfshirjes në edukimin parashkollor dhe fillor”.
Qëllimi i trajnimit është të pajisë edukatorët me njohuri dhe aftësi praktike që kontribuojnë në krijimin e një mjedisi edukativ mbështetës. Përmes metodologjisë “Hap pas Hapi”, pjesëmarrësit do të mësojnë mbi rëndësinë e lojës në të nxënë, planifikimin efektiv të aktiviteteve dhe qasjen individuale ndaj fëmijëve, me fokus të veçantë në aspektin social dhe emocional.
_________________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG NEAR) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti dhe Vizion 02.
