Sot u nënshkrua marrëveshja e bashkëpunimit në mes të Qendrës për Arsim e Kosovës dhe Drejtorisë Komunale e Arsimit Podujevë, me të cilën konkretizohet bashkëpunimi në mes dy palëve në ofrimin e programeve të zhvillimit profesional për mësimdhënësit e komunës së Podujevës. Këto shërbime do të ofrohen përmes programit të Qendrës së Trajnimeve në KEC, në bashkëpunim të ngushtë me Drejtorinë e Arsimit në Podujevë.
Komuna e Podujevës dhe Qendra për Arsim e Kosovës do të përcaktojnë programet e para të zhvillimit profesional të mësimdhënësve që do të ofrohen në fazën e parë, proces i cili do të mbahet vazhdueshëm.
