Gjatë ditës së djeshme, u organizua një sesion reflektimi dhe shkëmbimi përvojash mbi zbatimin e metodologjisë “Your Story”, i cili mblodhi së bashku prindër, mediatorë dhe fasilitatorë.
Diskutimet u fokusuan në mënyrën se si rrëfimi i përvojave personale ka ndihmuar në ndërtimin e marrëdhënieve më të forta ndërmjet prindërve dhe fëmijëve, si dhe në thellimin e bashkëpunimit ndërmjet edukatorëve dhe komunitetit të prindërve.
Ky aktivitet konfirmoi edhe një herë rëndësinë e ndërtimit të partneriteteve të qëndrueshme ndërmjet edukatorëve dhe prindërve, si dhe ndikimin pozitiv që ka qasja “Your Story” në zhvillimin e hershëm të fëmijëve dhe përforcimin e marrëdhënieve ndërpersonale brenda komunitetit.
Aktiviteti u realizua nga KEC në partneritet me Save the Children Kosova/o, me qëllim vlerësimin e ndikimit dhe identifikimin e mundësive për përmirësim të mëtejshëm.
___________________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG NEAR) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti dhe Vizion 02.
