Grupi i tretë i të rinjve nga Gjilani përfundon me sukses trajnimin “E drejta për përfaqësim publik – Avokimi”Të rinjtë nga Komuna e Gjilanit, në kuadër të projektit YEEP 2, kanë përfunduar me sukses trajnimin tre ditor “E drejta për përfaqësim publik – Avokimi” në Gjimnazin “Zenel Hajdini” në Gjilan. Ky është grupi i tretë që realizon me sukses këtë trajnim, i cili synon fuqizimin e kapaciteteve të të rinjve për avokim, përfaqësim publik dhe angazhim aktiv në komunitet.
Përmes sesioneve dinamike dhe interaktive, pjesëmarrësit fituan njohuri të vlefshme dhe aftësi praktike që do t’i ndihmojnë të planifikojnë dhe të ndërmarrin iniciativa avokuese të qëndrueshme.
Gjatë trajnimit, të rinjtë:
• zhvilluan plane të detajuara veprimi dhe identifikuan sfidat e mundësitë për t’i adresuar ato;
• përcaktuan burimet dhe buxhetimin e nevojshëm për realizimin e fushatave avokuese;
• punuan në grupe për të ndërtuar strategji konkrete dhe vizione të qarta mbi çështje me rëndësi për komunitetin.
Si rezultat, ky grup do të zhvillojë tre fushata avokuese, duke adresuar tema të rëndësishme për të rinjtë e komunës së Gjilanit.
________________
Projekti ‘YEEP 2 Fuqizimi dhe aftësimi i të rinjve përmes mundësive të reja’ synon të krijoj perspektiva për të përmirësuar punësimin dhe pjesëmarrje aktive në tregun e punës, për të rinjtë në Kosovë. Ky projekt zbatohet në komunën e Gjilanit, ku 75 të rinj përfitues të projektit kanë zhvilluar shkathtësitë e tyre dhe janë aftësuar përmes programeve të vazhdueshme të trajnimit dhe mentorimit, dhe po përkrahen për të konkurruar në tregu e punës. Projekti YEEP 2 zhvillohet në partneritet me SOS Fshatrat e Fëmijëve Kosovë dhe është financuar nga Ministria Federale Gjermane për Bashkëpunim Ekonomik dhe Zhvillim (BMZ) dhe SOS Fshatrat e Fëmijëve në të gjithë botën, Children Villages Worldwide (CVW).
