Në kuadër të aktiviteteve të projektit “Rritja e përfshirjes në edukimin parashkollor dhe fillor”, u shënua 7 marsi – Dita e Mësuesit së bashku me fëmijët e ciklit parafillor në shkollën “Mati Logoreci” në Prizren.
Përmes aktiviteteve kreative, lojërave dhe vizatimeve, fëmijët patën mundësinë të shprehin mirënjohjen dhe respektin për mësuesit dhe edukatorët e tyre. Ky aktivitet krijoi një atmosferë të ngrohtë dhe të gëzueshme, duke theksuar rëndësinë e rolit që mësuesit dhe edukatorët kanë në zhvillimin dhe edukimin në fëmijërinë e hershme.
Me këtë rast, Qendra për Arsim e Kosovës (KEC) uron të gjithë mësuesit dhe edukatorët për 7 marsin – Ditën e Mësuesit, duke i falënderuar për përkushtimin, punën dhe kontributin e tyre të vazhdueshëm në edukimin dhe formimin e gjeneratave të reja.
____________________
Projekti “Rritja e përfshirjes në edukimin parashkollor dhe fillor” është i financuar nga Bashkimi Evropian (DG ENEST) dhe Roma Education Fund (REF) dhe zbatohet nga Qendra për Arsim e Kosovës (KEC) në partneritet me Nevo Koncepti.
