Sot mirëpritëm në KEC një grup prej 45–50 të rinjsh nga Austria, Armenia, Kroacia, Italia, Jordania, Lituania, Palestina, Polonia, Serbia, Turqia dhe Kosova.
Këta të rinj janë pjesë e një vizite studimore ndërkombëtare që po e organizon Education Innovators Kosovo, përmes së cilës po shqyrtojnë praktikat më të mira në edukim, punën me të rinj dhe novacion.
Fillimisht, mysafirët u pritën brenda kompleksit të shkollës “Mileniumi i Tretë” ku gjenden zyrat tona. Atyre ua prezantuam hapësirat e këtij kompleksi. Takimi vazhdoi në Qendrën e Trajnimeve e Qendrës për Arsim e Kosovës, ku morëm më shumë informata për të rinjtë mysafirë dhe angazhimet e tyre.
Nga ana jonë, ua prezantuam punën tonë në fushën e zhvillimit profesional të mësimdhënësve, fuqizimit të të rinjve të shkollave dhe atyre të organizatave rinore, si dhe punën në projekte të tjera.
