EDUKIMI PËR TË DREJTAT E FËMIJËS

Qëllimi i këtij projekti ishte avancimi i të drejtave të fëmijëve në Kosovë, duke ndërtuar kapacitetet lokale për t’u marrë me të drejtat e fëmijëve në sistemin arsimor dhe duke sjellë të drejtat e fëmijëve në agjendën politike. Komponentët kryesorë të projektit ishin: 1) Ndërtimi i kapaciteteve lokale për trajnim; 2) Krijimi i kapaciteteve për këshillim të të drejtave të fëmijëve në shkollat fillore; 3) Përmirësimi i gjendjes së drejtave të fëmijës në shkolla; 4) Zhvillimi i një kurrikule të të drejtave të fëmijës në Fakultetin e Edukimit; 5) Rritja e ndërgjegjësimit publik për të drejtat e fëmijëve. Ky projekt ka kontribuar në ndërtimin e një kapaciteti efektiv në kuadër të sistemit arsimor:

• 49 trajnerë për të drejtat e fëmijëve janë trajnuar,
• 1.200 mësimdhënësve janë trajnuar si këshilltarë të të drejtave të fëmijëve në shkolla,
• 500 komitete shkollore mbi të drejtat e fëmijëve janë themeluar,
• 3 libra janë botuar,
• U zhvillua kurrikula e të drejtave të fëmijëve për Fakultetin e Edukimit .