Për ne

Qendra për Arsim e Kosovës është organizatë lokale jo-qeveritare dhe jopërfituese e themeluar nga Fondacioni Kosovar për Shoqëri të Hapur (KFOS) dhe e regjistruar në Kosovë. KEC përqendrohet kryesisht në trajnimin e personelit të shkollave, në lidhje me metodologjitë e reja të mësimdhënies dhe të udhëheqjes. Përveç kësaj KEC është aktive në fusha të tjera që mbështesin avancimin e cilësisë së arsimit në Kosovë. KEC udhëheq rreth 50 programe të trajnimit të mësimdhënësve të zhvilluara për të kontribuar në reformat aktuale në sistemin arsimor. Deri tani, në këto programe numri i mësimdhënësve pjesëmarrës arrin në 17,000. Ministria e Arsimit njeh programet e trajnimit si kërkesë ndaj certifikimit të mësimdhënësve. Përveç kësaj, KEC ka marrë pjesë në projekte kërkimore në nivel kombëtar dhe rajonal, dhe ka hartuar raporte të shumta teknike dhe botime të lidhura me këto tema. Po ashtu, KEC ka ofruar konsulencë në sektorin qeveritar dhe joqeveritar në Kosovë, si dhe për një numër të agjencive ndërkombëtare.

Raporti i punes 2016



Misioni

Avancimi i sistemit të arsimit, përmes ofrimit të shërbimeve dhe të burimeve të cilësisë së lartë, si dhe përmes bashkëpunimit aktiv me të gjitha palët me interes në vend dhe jashtë tij.

Vizioni

Një sistem efikas dhe gjithëpërfshirës i arsimit që i kontribuon zhvillimit të qëndrueshëm ekonomik dhe shoqëror të vendit, duke aftësuar qytetarët për të nxënë gjatë gjithë jetës dhe për pjesëmarrje aktive në jetën demokratike.

Çfarë bëjmë ne

Përmirësimi i cilësisë së arsimit

Në këtë kategori kryesisht bëjnë pjesë programet e trajnimit në shërbim për mësimdhënës dhe menaxherë të shkollave, por edhe për profile të tjera të pjesëmarrësve. KEC ka 68 programe të kësaj natyre nëpër të cilat kanë kaluar mbi 30,000 pjesëmarrës. Shumica e këtyre programeve të trajnimit janë zhvilluar në kuadër të projekteve ndërkombëtare dhe janë akredituar nga MASHT. Zhvillimi i mendimit kritik përmes leximit dhe shkrimit dhe Hap pas Hapi janë dy programet më të vjetra dhe ende më të kërkuara të trajnimit që ofron KEC, ndërsa përmbajtjet e tyre tanimë janë përfshirë në programet e Fakultetit të Edukimit.

Të drejtat e njeriut

KEC ka filluar me projekte nga fusha e të drejtave të njeriut në vitin 2003, kur përqendrimi ka qenë në të drejtat e fëmijës. Projektet e tilla kanë prodhuar udhëzues dhe metodologji për mbrojtjen e të drejtave të fëmijës në shkolla, parandalimin e dhunës, e të ngjashme. Protokolli për parandalimin e dhunës i zhvilluar në kuadër të këtij programi është aprovuar nga Qeveria dhe zbatohet në shkollat e Kosovës. Një kategori tjetër e projekteve nga kjo fushë janë ato që merren me të drejtat e komuniteteve Rom, Ashkali dhe Egjiptian. Edhe pse fokusi i këtyre projekteve është në sigurimin e barazisë së këtyre komuniteteve në shoqëri, ato adresojnë edhe çështje të përmirësimit të cilësisë së shërbimeve arsimore që u ofrohen këtyre komuniteteve.

Rrjetëzimi dhe pjesëmarrja në politikëbërje

KEC ka zhvilluar projekte të shumta të rrjetëzimit me organizata simotra në Kosovë dhe me gjerë, me qëllim të ndërtimit të kapacitetit për pjesëmarrje në bërjen e politikave arsimore dhe të drejtave të njeriut. Projektet e tilla kanë bërë të mundur që shoqëria civile në Kosovë dhe në vendet e tjera të Ballkanit të jetë aktive në formësimin e politikave arsimore të nivelit qendror dhe lokal.

Hulumtimet në fushën e arsimit

Hulumtimet që bëhen nga KEC janë, rëndom, të karakterit aplikativ e jo akademik. Qëllimi është që tema të caktuara të arsimit dhe të shkencës të analizohen nga këndvështrimi i praktikave më të mira ose i analizës së gjendjes, duke dhënë rekomandime për përmirësime. Në këtë aspekt, KEC bën edhe studime që kanë për qëllim vlerësimin e projekteve të realizuara nga palët e treta, por edhe analiza që duhet ta informojnë vendimmarrjen për një çështje të caktuar.

Bordi Drejtues

  • Ganimete Kulinxha

    Kryetare e bordit

  • Halim Hyseni

    Anëtar

  • Luan Shllaku

    Anëtar

  • Besa Luzha

    Anëtar

  • Alush Kryeziu

    Anëtar

Stafi

  • Dukagjin Pupovci
    Drejtor ekzekutiv

    dpupovci@kec-ks.org

  • Nora Tafarshiku
    Drejtoreshë e administratës

    nora@kec-ks.org

  • Gëzim Hyseni
    Administrator

    ghyseni@kec-ks.org

  • Melinda Mula
    Menaxhere e Programeve

    mmula@kec-ks.org

  • Hana Zylfiu-Haziri
    Menaxhere e Programeve

    hzylfiu@kec-ks.org

  • Petrit Tahiri
    Menaxher i Projekteve

    ptahiri@kec-ks.org

  • Ardita Kabashi
    Menaxhere e Projekteve

    ahima@kec-ks.org

  • Kushtrim Bajrami
    Menaxher i Projekteve

    kbajrami@kec-ks.org

  • Drilon Krasniqi
    Menaxher i Projekteve

    dkrasniqi@kec-ks.org

  • Driton Berisha
    Menaxher i Projekteve

    dberisha@kec-ks.org

  • Luan Tufa
    Zyrtar i Projektit

    ltufa@kec-ks.org

  • Anyla Dautaj
    Zyrtare per informim

    adautaj@kec-ks.org

  • Ema Rraci
    Zyrtare për Monitorim

    erraci@kec-ks.org

  • Bora Shpuza-Kasapolli
    Menaxhere e Projekteve

    bkasapolli@kec-ks.org

  • Vilma Biba
    Zyrtare për Mentorim

    vbiba@kec-ks.org

  • Fjolla Xharra
    Asistente e Projektit

    fxharra@kec-ks.org

  • Merima Dubova-Galimuna
    Zyrtare e Projektit

    mgalimuna@kec-ks.org

  • Selami Thaqi
    LOGJISTIKE DHE FURNIZIME

    sthaqi@kec-ks.org

  • Sokol Statovci
    LOGJISTIKE DHE FURNIZIME

    sstatovci@kec-ks.org

  • Xhevahire Tahiri
    PUNETORE TEKNIKE

    xheva@kec-ks.org

Partnerët dhe Donatorët