Programet dhe Projektet e KEC-it

Mendimi Kritik gjatë Leximit dhe Shkrimit

MKLSh është një program për trajnimin e mësimdhënësve i bazuar në modelin “trajno-trajnerin” dhe zbatohet drejtpërdrejt në klasë, në nivele të ndryshme të shkollimit dhe në lëndë të ndryshme.

Hap pas Hapi

Hap pas hapi është program edukativ, i cili filloi si metodologji parashkollore, mirëpo tani i qaset të gjitha niveleve shkollore; institucioneve parashkollore, shkollave fillore, të mesme dhe arsimimit të mësimdhënësve.

Objektivi kryesor i këtij projekti është përmirësimi i vijueshmërisë dhe ngritja e cilësisë në arsimin fillor dhe të mesëm, si dhe krijimi i kushteve më të favorshme për arsimimin e grupeve të margjinalizuara në Kosovë.

Qëllimi i këtij projekti është avancimi i të drejtave të fëmijës në arsimin e detyruar të Kosovës duke ndërtuar kapacitete lokale dhe duke siguruar në vazhdimësi përmirësimin dhe fuqizimin e të drejtave të fëmijës.

Qeverisja dhe Udhëheqja e Shkollës

Qëllim parësor i  realizimit të këtij projekti është krijimi i kapacitetve vendore në lëmin e qeverisjes dhe udhëheqjes së institucioneve arsimore, në bashkëpunim të ngushtë me KEDP dhe MASHT.

Edukimi kundër Korrupsionit

Ky projekt synon rritjen e vetëdijës së qytetarëve mbi korrupsionin dhe mënyrat e luftimit të tij përmes aftësimit të mësimdhënësve për të përfshirë idenë e luftës kundër korrupsionit në kurrikulumin shkollor.

Programet e trajnimit të KEC-it

KEC ka një listë të programeve të trajnimit, të cilat programe trajnimi janë të dedikuara për personat e ndryshëm të interesuar për trajnim, qofshin ata të përfshirë drejtpërdrejt apo indirekt në sistemin dhe procesin arsimor në Kosovë.

Biblioteka e KEC-it

Qendra për Arsim e Kosovës ka themeluar një bibliotekë me mbi 1200 tituj librash të ndryshme nga fusha e edukimit. Librat janë kryesisht në gjuhën shqipe dhe angleze. Biblioteka do të jetë në dispozicion edhe të mësimdhënësve të shkollave publike në vend. Për të shikuar listën me titujt dhe autorët e librave, klikoni këtu:

Shkolla "Mileniumi i Tretë"

Shkolla "Mileniumi i Tretë" është shkollë jopublike e nivelit fillor dhe të mesëm të ulët (klasat 1-9), e themeluar nga KEC. Shkolla është licencuar nga Ministria e Arsimit, e Shkencës dhe e Teknologjisë.