Qeverisja dhe Udhëheqja e Shkollës

 

 

Personi kontaktues: Dukagjin Pupovci

 

■ Qëllimi i projektit

 

Qëllim parësor i  realizimit të këtij projekti është krijimi i kapaciteteve vendore në lëmin e qeverisjes dhe udhëheqjes së institucioneve arsimore në bashkëpunim të ngushtë me KEDP-në dhe MASHT-in. 

 

 

■ Përshkrimi i projektit

 

Projekti, Qeverisja dhe Udhëheqja e Shkollës ka filluar të zbatohet në vitin 2002 dhe është financuar  dhe vazhdon të financohet nga Fondacioni Kosovar për Shoqëri të Hapur-KFOS. Pjesëmarrësit në projekt janë zgjedhur në bazë të kriterit regjional, gjinor, nivelit të institucionit arsimor që përfaqësojnë, moshës etj.

 

 

■ Gjenerata e parë

 

Gjenerata e parë përbëhej nga 30 pjesëmarrës me një strukturë të përfaqësimit si vijon: 10 drejtorë të shkollave fillore, 7 drejtorë të shkollave të mesme, 5 administratorë të arsimit të nivelit komunal, 5 këshilltarë të arsimit dhe 3 mësimdhënës të dalluar.

 

Projekti i aftësimit të administratorëve të parë në Kosovë është realizuar nga trajnerët ndërkombëtarë dhe vendorë. Që procesi i aftësimit të jetë sa më cilësor janë përkujdesur dy trajnerë ndërkombëtarë dhe 4 trajnerë vendorë, të cilët kanë realizuar 8 module me gjithsej 25 ditë trajnimi (144 orë).

 

Gjenerata e parë e aftësuar është certifikuar në qershor të vitit 2003 në solemnitetin e organizuar para përfaqësuesve të OJQ vendore dhe të huaja, përfaqësuesve të  MASHT-it, mjeteve të informacionit publik dhe të ftuarve të tjerë. Procesi i certifikimit është bërë me vonesë për shkak pritjes së standardeve të certifikimit dhe njohjes së krediteve që do të bëhet nga MASHT-i, proces ky që nuk është kryer ende.

 

 

■ Gjenerata e dytë

 

Gjenerata e dytë e administratorëve ka filluar të aftësohet më 20 dhjetor 2003 kur është realizuar edhe moduli i parë katërditor "Bazat e udhëheqjes së shkollës". Numri i pjesëmarrësve të zgjedhur në këtë gjeneratë ka qenë 30. Prej tyre  4 Zyrtarë të Zyrave Rajonale Arsimore (ZRA), 2 Drejtorë të Drejtorive Komunale të Arsimit (DKA), 7 drejtorë të shkollave të mesme, 13 drejtorë të shkollave fillore, 1 zëvendës-drejtor dhe 3 mësimdhënës të dalluar.

 

■ Gjenerata e tretë

 

Gjenerata e tretë e administratorëve ka gjithsej 30 pjesëmarrës të zgjedhur, dhe ka filluar të aftësohet më 1 tetor 2005. Pas përfundimit të 9 moduleve me gjithsej 132 orë, janë certifikuar me certifikatë për pjesëmarrje 27 pjesëmarrës nga të gjitha qytetet e Kosovës, ku si kriter për certifikim në këtë program trajnimi ishte vijimi i të paktën 80% të seminareve të mbajtura dhe pjesëmarrja në të paktën 2 takime gjysmëditore. Të gjitha seminaret u mbajtën në periudhën tetor 2005 - mars 2006 në Prishtinë.

 

Gjatë muajit prill do të fillohet me procedurën e aplikimit për kandidatët e interesuar për trajner të programit, dhe certifikimi për trajner bëhet në bazë të punimeve të pavarura të kryera nga pjesëmarrësit dhe të rezultateve të arritura në testim.  

 

Intervistat me kandidatët për trajnerë zhvillohen prej 24-28 prill 2006. Certifikimi për trajnerë bëhet më 5 maj 2006.