Qendra për Arsim e Kosovës

Gjatë vitit 2003/04, KEC organizoi trajnim për 263 mësimdhënës nga 7 rajonet kryesore të Kosovës. Ideja fillestare ishte që të trajnohen nga 30 mësimdhënës për secilin rajon. Mirëpo në Prishtinë për shkak të interesimit të disa mësimdhënësve universitarë numri i pjesëmarrësve u rrit në 40, ndërsa në Gjakovë u për shkak të numrit të madh të të interesuarve, KEC përkrahu idenë e ZRA për krijimin e grupit të dytë. Vlen të theksohet se secili grup ka pasur më shumë se 30 mësimdhënës të përfshirë, të cilët kanë përcjellë me rregull trajnimin dhe janë certifikuar.

Disa drejtorë të shkollave duke parë se vetëm një numër shumë i vogël i mësimdhënësve të tyre është duke u përfshirë në trajnim, filluan të organizohen për të bërë trajnime në bazë shkolle. KEC për të përkrahur një nismë të tillë dhuroi udhëzuesit 1-8 për secilin pjesëmarrës në trajnim në këto shkolla:
►Sh. f. “Mustafa Bakija 2” në Gjakovë (33 mësimdhënës )
►Sh. f. “Abaz Ajeti” në Gjilan (28 mësimdhënës)
►Sh. f. “Abdyl Frashëri” në Prizren (28 mësimdhënës)
►Gjimnazin “Sami Frashëri” në Prishtinë ( 29 mësimdhënës)

Në këto shkolla trajnerët kanë punuar në baza vullnetare pa asnjë kompensim. Kjo tregon për një dedikim të jashtëzakonshëm të disa nga trajnerëve.

Në bashkëpunim me Shoqatën e Shkollave Cilësore, KEC organizon trajnimin për 41 mësimdhënës të Sh. F. “I. Qemajli” në Prishtinë. Për të përkrahur iniciativën për realizimin e trajnimit nga ana e ShShC, KEC dhuroi udhëzuesit 1-8 për secilin pjesëmarrës.

DKA e komunës së Drenasit duke parë se një numër shumë i vogël i mësimdhënësve të kësaj komune janë trajnuar, bëri kërkesë në KEC për të përkrahur një projekt të tyre për trajnimin e 32 mësimdhënësve të kësaj komune. KEC edhe këtë herë dhuroi udhëzuesit 1-8 për të përkrahur këtë iniciativë e cila u kurorëzua me sukses.

Gjatë vitit 2004 anëtarët e 5 Bordeve Lokale kanë monitoruar dhe certifikuar për mësimdhënës të MKLSh-së 50 mësimdhënës në mbarë Kosovën. Shumë mësimdhënës të certifikuar për nivelin e dytë kanë marrë pjesë në trajnime si ndihmës-trajnerë të trajnerëve kryesorë, dhe disa nga ata kanë treguar cilësi në paraqitjet e tyre.

Dy profesorë ndërkombëtarë Wendy Saul nga SHBA dhe Howard Mould nga Australia kanë monitoruar 5 trajnerë të Programit të MKLSh-së dhe kanë dhënë pëlqimin për certifikimin e tyre si certifikues të Programit. Bazuar në rekomandimet e tyre, Consorciumi Ndërkombëtar i Programit të MKLSh-së ka certifikuar 5 trajnerët si certifikues të Programit, dhe në këtë mënyrë sigurohet niveli më i lartë i të certifikuarve në kuadër të Programit të MKLSh-së në Kosovë. Kjo i mundëson KEC organizimin e trajnimeve për trajnerë.

Edhe gjatë vitit 2004, KEC në bashkëpunim me UP dhe OJQ-në ATA nga Holanda ka organizuar kursin e MKLSh-në për studentë të huaj dhe kosovarë në kuadër të UVP 2004. Kursi është udhëhequr nga profesorët Howard Mould nga Australia dhe Eda Vula, mësimdhënëse në UP. Në kurs kanë marrë pjesë studentë nga Kosova, Serbia, Mali i Zi, Maqedonia, Holanda, Spanja, Shqipëria etj. Të gjithë studentët janë certifikuar dhe kanë fituar kredi, të cilat i pranon Universiteti i Prishtinës.

KEC ka ndihmuar në themelimin e Shoqatës Kosovare të Leximit dhe në mbajtjen e kuvendit themelues në të cilin është zgjedhur kryesia e punës. Kjo shoqatë do të organizojë aktivitete të ndryshme dhe do të jetë anëtare e Shoqatës Ndërkombëtare të Leximit, e cila ka përgatitur Programin e MKLSh-së.

Meqenëse ka pasur një interesim të madh për blerjen e librit “Modele të mësimdhënies sipas strukturës ERR”, KEC ka bërë ribotimin e tij gjatë vitit 2004.