■ Gjenerata II e MKLSh-së në Kosovë (2001/02)

►Trajnimi i 150 mësimdhënësve të shkollave fillore dhe të mesme në Gjakovë, Prizren, Prishtinë, Ferizaj dhe Gjilan
►Trajnimi i 200 mësimdhënësve në kuadër të programit “Të nxënit ndërveprues”
►Certifikimi i 18 trajnerëve të Programit të MKLSh-së nga profesorët ndërkombëtarë
►Prezantimi i disa strategjive dhe teknikave të MKLSh-së për 40 punonjës të porsazgjedhur të MASHT-it
►Trajnimi në kuadër të programit të MKLSh-së për 24 mësimdhënës dhe drejtorë të shkollave fillore që i përkasin Programit të Arsimit Cilësor të implementuar nga KEC
►Trajnimi në baza vullnetare i 32 mësimdhënësve të sh. f.“Lekë Dukagjini” në Prizren
►Organizimi i kursit të MKLSh-së për 26 studentë në kuadër të UVP 2002
►Themelimi i 5 bordeve lokale për certifikim të mësimdhënësve të MKLSh-së në Prishtinë, Gjakovë, Prizren, Ferizaj dhe Gjilan  

 

Zbatimi me sukses i teknikave dhe strategjive të programit të MKLSh-së në kushtet tona me kurikulat ekzistuese, bëri që programi i MKLSh-së të përhapet me të shpejtë dhe të rritet numri i të interesuarve për të marrë pjesë në trajnim. Kështu gjatë vitit të dytë u trajnuan 350 mësimdhënës të niveleve të ndryshme, 200 prej të cilëve ishin vijues të programit të nxënit ndërveprues që u organizua në 10 shkollat pilot të caktuara nga UNICEF-i. Trajnimi i një numri kaq të madh të mësimdhënësve u bë i mundshëm falë bashkëpunimit të KEC me Shoqatën Shqiptare të Leximit, e cila dispononte me numër solid të trajnerëve të certifikuar të programit të MKLSh-së.

Në këtë periudhë, profesorë nga ShBA dhe Shqipëria monitoruan mësimdhënësit e trajnuar të gjeneratës së parë gjatë udhëheqjes së trajnimeve për kolegët e tyre dhe në bazë të standardeve të programit certifikuan 18 prej tyre trajnerë të programit të MKLSh-së. Në këtë mënyrë u krijuan kushtet për përhapjen cilësore të programit të MKLSh- së në Kosovë. Si rezultat i kësaj, trajnerët kosovarë prezantuan disa strategji dhe teknika të MKLSh-së për 40 punonjës të porsazgjedhur të MASHT-it dhe udhëhoqën trajnimin e plotë për 24 mësimdhënës dhe drejtorë të shkollave fillore që i përkasin Programit të Arsimit Cilësor të implementuar nga KEC.

Drejtoria e Sh. F. “Lekë Dukagjini” në Prizren, duke parë se vetëm një numër shumë i vogël i mësimdhënësve të interesuar të kësaj shkolle janë përfshirë në trajnime, ndërsa shumë të tjerë nuk kishin gjasa të mëdha për t’u përfshirë në trajnim, vendosi të organizojë trajnimin në bazë shkolle për 32 mësimdhënës. Trajnimi u realizua në baza vullnetare, dhe KEC për të përkrahur një nismë të tillë, dhuroi udhëzuesit 1-8 për secilin pjesëmarrës në trajnim.

Gjatë vitit 2002, për herë të parë në Kosovë, organizohet kursi i MKLSh-së për studentë në kuadër të Universitetit Veror të Prishtinës 2002. Në këtë kurs morën pjesë 26 studentë dhe mësimdhënës nga Kosova, Spanja, Holanda, Sllovenia, Kroacia dhe Shqipëria. Kursin e udhëhoqën profesori Howard Mould nga Australia, në bashkëpunim me koordinatoren e programit Melinda Mulën.

Për të pasur një menaxhim sa më cilësor të programit, KEC ka themeluar 5 Borde Lokale të Programit të MKLSH në Gjakovë, Prizren, Gjilan, Ferizaj dhe Prishtinë, të cilat merren me përzgjedhjen e kandidatëve për trajnim, monitorimin dhe këshillimin e tyre. Po ashtu Bordet Lokale vendosin për certifikimin e nivelit të dytë si mësimdhënës i MKLSh.