■ Gjenerata I e MKLSh-së në Kosovë (2000/01)

Trajnimi i 31 mësimdhënësve të niveleve dhe lëndëve të ndryshme, të cilët përbënin “masën kritike” të mësimdhënësve, të cilët do të shërbenin si agjentë të ndryshimeve në shkolla dhe institucione tjera arsimore, si dhe do të bartnin barrën e përhapjes së trajnimeve në të ardhmen.

Gjatë vitit të parë të zbatimit të Programit të MKLSh-së në Kosovë, u organizuan 6 punëtori për 31 mësimdhënës të lëndëve dhe niveleve të ndryshme, duke filluar nga ai fillor e deri te niveli universitar. Profesorë nga ShBA dhe Shqipëria udhëhoqën së bashku këto punëtori dhe monitoruan dy herë në klasat e tyre mësimdhënësit pjesëmarrës. Orët e monitoruara u diskutuan gjatë takimeve gjysmëditore, me ç’rast mësimdhënësit shkëmbyen përvojat pozitive të zbatimit të teknikave në klasat e tyre. Po ashtu profesorët ndërkombëtarë monitoruan regjistratorët e përgatitur me kujdes nga ana e mësimdhënësve me punime të nxënësve, modele të mësimit, fotografi të punës së nxënësve në grupe, si dhe vlerësime pozitive të kolegëve. Trajnimit të grupit të parë të mësimdhënësve iu kushtua një kujdes i veçantë nga ana e KEC, sepse qëllim i programit në këtë vit ishte krijimi i “masës kritike” të mësimdhënësve, të cilët do të shërbenin si agjentë të ndryshimeve në shkolla dhe institucione tjera arsimore, si dhe do të bartnin barrën e përhapjes së trajnimeve në të ardhmen.