Mendimi Kritik gjatë Leximit dhe Shkrimit

Personi kontaktues: Melinda Mula

■ Programi MKLSh

Programi “Mendimi Kritik gjatë Leximit dhe Shkrimit” - MKLSh është një iniciativë e Institutit për Shoqëri të Hapur dhe Shoqatës Ndërkombëtare të Leximit, që përkrahin reformat arsimore në mbarë botën. MKLSh bazohet në idenë e praktikave demokratike në shkolla, të cilat shtojnë interesimin e nxënësve për të nxënë dhe luajnë rol të rëndësishëm në transformimet drejt shoqërive më të hapura dhe demokratike. Programi është aktiv në 29 vende të Evropës Qendrore, Lindore dhe të Azisë së Mesme. MKLSH është një program për trajnimin e mësimdhënësve i bazuar në modelin “trajno-trajnerin” dhe zbatohet drejtpërdrejt në klasë, në nivele të ndryshme të shkollimit dhe lëndë të ndryshme. Përmes trajnimeve synohet përgatitja e mësimdhënësve për kërkim dhe zbatimin e metodave bashkëkohore të mësimdhënies dhe të nxënit.

Qëllim i programit është zhvillimi i shkathtësive për mësimdhënie efektive në klasë duke ofruar mundësi për zhvillim profesional të mësimdhënësve të bazuar në strategjitë dhe teknikat e MKLSh-së.

Metodat e MKLSh-së janë të adaptuara për klasat me qëllim që të përkrahin:

►Të pyeturit aktiv
►Të menduarit kritik
►Të mësuarit e vetinicuar
►Të mësuarit në grupe
►Proceset e të lexuarit dhe të shkruarit
►Vlerësimin alternativ
►Zgjidhjen e problemeve.


■ MKLSh në Kosovë

Në Konferencën ndërkombëtare të MKLSh-së në Keszthely, në Hungari në vitin 2000, është vendosur që edhe Kosova të përfshihet në rrjetin e vendeve që zbatojnë programin e MKLSh-së.

Synimet e përgjithshme të programit janë:

►T'i kontribuojë themelimit të një sistemi për trajnimin e mësimdhënësve me metodologjinë bashkëkohore të mësimdhënies; dhe
►Të ndihmojë mësimdhënësit në krijimin e një atmosfere miqësore të të nxënit në klasa.


Objektivat specifike të programit janë:

►Të ofrojë zhvillim profesional të mësimdhënësve të të gjitha niveleve dhe lëndëve mësimore përmes aftësimit të tyre për zbatimin e teknikave dhe strategjive të programit të MKLSh-së
►Të përkrahë dhe koordinojë funksionimin e bordeve lokale për këshillim të vazhdueshëm dhe certifikim të mësimdhënësve të MKLSh-së në 7 qendrat kryesore të Kosovës
►Të organizojë punën e Bordit Qendror për certifikim të trajnerëve të MKLSh-së
►Të botojë libra / materiale të ndryshme për të lehtësuar punën e mësimdhënësve në klasa
►Të forcojë rrjetin e trajnerëve përmes ofrimit të literaturës së nevojshme
►Të përhapë informacion për programin e MKLSh-së për të gjitha palët e interesuara

 

 

■ Gjenerata I e MKLSh-së në Kosovë (2000/01)

Trajnimi i 31 mësimdhënësve të niveleve dhe lëndëve të ndryshme, të cilët përbënin “masën kritike” të mësimdhënësve, të cilët do të shërbenin si agjentë të ndryshimeve në shkolla dhe institucione tjera arsimore, si dhe do të bartnin barrën e përhapjes së trajnimeve në të ardhmen.
 

Për më shumë kliko këtu...


■ Gjenerata II e MKLSh-së në Kosovë (2001/02)

►Trajnimi i 150 mësimdhënësve të shkollave fillore dhe të mesme në Gjakovë, Prizren, Prishtinë, Ferizaj dhe Gjilan
►Trajnimi i 200 mësimdhënësve në kuadër të programit “Të nxënit ndërveprues”
►Certifikimi i 18 trajnerëve të Programit të MKLSh-së nga profesorët ndërkombëtarë
►Prezantimi i disa strategjive dhe teknikave të MKLSh-së për 40 punonjës të porsazgjedhur të MASHT-it
►Trajnimi në kuadër të programit të MKLSh-së për 24 mësimdhënës dhe drejtorë të shkollave fillore që i përkasin Programit të Arsimit Cilësor të implementuar nga KEC
►Trajnimi në baza vullnetare i 32 mësimdhënësve të sh. f.“Lekë Dukagjini” në Prizren
►Organizimi i kursit të MKLSh-së për 26 studentë në kuadër të UVP 2002
►Themelimi i 5 bordeve lokale për certifikim të mësimdhënësve të MKLSh-së në Prishtinë, Gjakovë, Prizren, Ferizaj dhe Gjilan

Për më shumë kliko këtu...
 

 

■ Gjenerata III e MKLSh-së në Kosovë (2002/03)

►Trajnimi i 350 mësimdhënësve në kuadër të programit “Të nxënit ndërveprues”
►Trajnimi i 180 mësimdhënësve të shkollave fillore dhe të mesme në Gjakovë, Prizren, Prishtinë, Ferizaj, Gjilan dhe Pejë
►Trajnimi i 150 mësimdhënësve të shkollave të mesme në Gjakovë, Mitrovicë, Podujevë, Shtime dhe i një grupi të mësimdhënësve të shkollave fillore dhe të mesme në Pejë në bashkëpunim me KEDP
►Organizimi i dy punëtorive për 30 mësimdhënës universitarë me temën “MKLSh në arsimin e lartë”
►Organizimi i dy kurseve të MKLSh-së për 46 studentë në kuadër të UVP 2003
►Organizimi i trajnimeve të shkurta lëndore për 150 mësimdhënës të matematikës dhe biologjisë në bashkëpunim me Qendrat Didaktike
►Trajnimi i 35 mësimdhënësve të shkollave fillore që janë anëtare të Shoqatës së Shkollave Cilësore
►Vlerësimi i Programit të MKLSh-së
►Botimi i librit “Modele të mësimdhënies sipas strukturës ERR”
►Certifikimi i 100 pjesëmarrësve në trajnime si mësimdhënës i MKLSh-së (niveli i dytë)
 

Për më shumë kliko këtu...
 

 

■ Gjenerata IV e MKLSh-së (2003/04)

►Trajnimi i 263 mësimdhënësve të shkollave fillore dhe të mesme në 7 qendrat kryesore të Kosovës
►Trajnimi në baza vullnetare i 118 mësimdhënësve në Gjakovë, Gjilan, Prishtinë dhe Prizren
►Trajnimi i 41 mësimdhënësve të sh. f. “I. Qemajli” në bashkëpunim me ShShC
►Trajnimi i 32 mësimdhënësve të komunës së Drenasit në bashkëpunim me DKA
►Certifikimi i 50 pjesëmarrësve në trajnime si mësimdhënës i MKLSh-së (niveli i dytë)
►Certifikimi i 5 certifikuesve të programit të MKLSh-së
►Organizimi i kursit të MKLSh-së për 25 studentë në kuadër të UVP 2004
►Themelimi i Shoqatës Kosovare të Leximit (ShKL)
►Ribotimi i librit “Modele të mësimdhënies sipas strukturës ERR”
 

Për më shumë kliko këtu...

 

■ Gjenerata V e MKLSh-së (2004/05)

►Trajnimi i 490 mësimdhënësve në bashkëpunim me MASHT
►Trajnimi i 46 mësimdhënësve dhe zyrtarëve arsimorë në bashkëpunim me zyrat e DKA-ve në Prishtinë dhe Istog
►Trajnimi i 112 mësimdhënësve me participim në Gjakovë dhe Prishtinë
►Trajnimi i 31 mësimdhënësve në baza vullnetare në gjimnazin “S. Frashëri” në Prishtinë
►Trajnimi i 351 mësimdhënësve në bashkëpunim me Kultur Kontaktin nga Austria, UNICEF-in dhe OJQ-në Vizioni i Ri në Gjakovë.
►Certifikimi i 40 mësimdhënësve nga 5 Bordet Lokale të Programit të MKLSh-së
►Organizimi i trajnimit për trajnerë dhe certifikimi i 23 trajnerëve
►Organizimi i trajnimeve të shkurta lëndore në kuadër të Projektit TEMPUS për 200 mësimdhënës të matematikës dhe biologjisë në bashkëpunim me Universitetin e Prishtinës
 

Për më shumë kliko këtu...

 

■ Gjenerata VI e MKLSh-së (2005/06)

► Trajnimi i 30 mësimdhënësve boshnjak në bashkëpunim me ShKL
► Trajnimi i 953 mësimdhënësve në bashkëpunim me MASHT, DKA-në në Prishtinë, OJQ-në Vizioni i Ri në Gjakovë dhe me vetëparticipim të mësimdhënësve.

► Trajnimi i 467 mësimdhënësve në kuadër të projektit “Strategjitë e reja të mësimdhënies dhe të nxënit” në 15 qendrat e Kosovës

► Certifikimi i 40 mësimdhënësve për nivelin e dytë.

► Certifikimi i 21 trajnerëve të programit

► KEC në bashkëfinancim me Qendrën për Arsim Demokratik, ka botuar dy libra.  
 

Për më shumë kliko këtu...

 

■ Disa nga të arriturat e përgjithshme të porgramit MKLSh

Deri më tani:

 

►3619 mësimdhënës kanë përfunduar trajnimin e plotë të MKLSh-së
►70 përfaqësues të MASHT dhe mësimdhënës universitarë kanë përfunduar trajnimin e shkurtë për programin e MKLSh-së
►467 mësimdhënës, në kuadër të projektit “Strategjitë e reja të mësimdhënies dhe të nxënit” - bashkëpunim i KEC-it me Bankën Botërore, kanë përfunduar trajnimin 10 ditor të bazuar në 6 module të MKLSh-së

►350 mësimdhënës kanë përfunduar trajnime të shkurta lëndore për lëndët e matematikës dhe biologjisë
►97 studentë në kudër të UVP 2002-04 kanë përfunduar njoftimin me programin e MKLSh-së
►230 mësimdhënës janë certifikuar për nivelin e dytë; 62 mësimdhënës janë certifikuar si trajnerë dhe 5 mësimdhënës universitarë si certifikues.

Në proces të trajnimit janë: 30 mësimdhënës të gjimnazit "Xhevdet Doda" dhe 40 mësimdhënës të shkollës fillore "Hasan Prishtina" në Prishtinë.