Qendra për Arsim e Kosovës

Më 27-28 janar 2007 do të mbahet seminari i tretë me mësimdhënësit e gjimnazit "Xhevdet Doda"
Seminari organizohet në kuadër të programit të Mendimi Kritik gjatë Leximit dhe Shkrimit (MKLSh).: ......................................

U mbajt punëtoria e dytë për hartimin e Strategjisë Nacionale për Integrimin e komunitetit RAE në Kosovë - komponenta e edukimit"

■ 22/01/2007
Strategjia Nacionale e Integrimit të komunitetit RAE në Kosovë - komponenta e edukimit

■ 15/01/2007
U bë certifikimi i pjesëmarrësve në programin Qeverisja dhe Udhëheqja e Shkollës

■ 03/01/2007
U bë certifikimi i 1327 mësimdhënësve

■ 18/12/2006

U mbajt Konferenca Rajonale për të drejtat e fëmijë

■ 04/12/2006

Më 01-02 dhjetor 2006, në Prishtinë, hotel "Victory", u mbajt Konferenca Rajonale për të drejtat e fëmijës, të cilën e organizoi KEC në kuadër të programit "Të drejtat e fëmijës". Gjatë kësaj Konference pjesëmarrësit përmes disa prezantimeve u njohën me gjendjen momentale të të drejtave të fëmijëve në Kosovë. Gjithashtu, në këtë Konferencë u bë edhe prezantimi i draftit të Strategjisë për të drejtat e fëmijës në Kosovë 2007-2017.
Në punën në grupe që u bë gjatë kësaj Konferenca u ngritën edhe disa çështje të tjera të cilat do t'i bashkangjiten kësaj Strategjie.
U bë promovimi i tre librave

■ 24/10/2006

Do të mbahet seminari "Të nxënit në bashkëpunim"

■ 19/10/2006

Më 21-22 tetor 2006 do të mbahet seminari i pestë me temën "Të nxënit në bashkëpunim". Ky seminar do të mbahet në 25 vende nëpër Kosovë.
Seminari organizohet në kuadër të programit të Mendimi Kritik gjatë Leximit dhe Shkrimit (MKLSh), dhe është rezultat i bashkëpunimit të MASHT me KEC.

......................................
Ka filluar trajnimi i 300 mësimdhënësve në bashkëpunim me NJMP të Bankës Botërore

■ 13/10/2006

Qendra për Arsim e Kosovës (KEC) në bashkëpunim me NJMP të Bankës Botërore kanë filluar trajnimin e 300 mësimdhënësve në kuadër të Projektit "Strategjitë e reja të mësimdhënies dhe të nxënit" në 10 qendrat e Kosovës: Prishtinë, Pejë, Prizren, Suharekë, Gjakovë, Rahovec, Ferizaj, Gjilan, Kamenicë dhe Mitrovicë. Seminari i parë është mbajtur më 7-8 tetor, ndërsa i dytë do të mbahet më 14-15 tetor. Pas seminarit të dytë mësimdhënësit pjesëmarrës do të monitorohen nga trajnerët në klasat e tyre.

......................................

U mbajtën edhe dy trajnime në kuadër të projektit ‘Edukimi kundër korrupsionit’


■ 25/09/2006

Nga 22 deri më 24 shtator 2006 u mbajtën dy trajnime në kuadër të projektit ‘Edukimi kundër korrupsionit’. Njëri trajnim u mbajt në lokalet e Qendrës për Arsim të Kosovës (KEC), ku morën pjesë 32 mësimdhënës të rajonit të Prishtinës, ndërsa trajnimi tjetër u mbajt në Qendrën Didaktike në Prizren me 20 pjesëmarrës – mësimdhënës të rajonit të Prizrenit. Trajnime të ngjashme do të mbahen edhe më 29 e 30 shtator dhe 1 tetor 2006 në Pejë, Ferizaj dhe Mitrovicë.

......................................
U mbajt trajnimi për trajnerë për vijuesit e gjeneratës së tretë të programit “Qeverisja dhe Udhëheqja e Shkollës”

■ 19/09/2006

Më 16 dhe 17 shtator në lokalet e KEC u organizua trajnimi për trajnerë për vijuesit e gjeneratës së tretë të programit “Qeverisja dhe Udhëheqja e Shkollës”. Ky trajnim që zgjati dy ditë, kishte për qëllim pajisjen e pjesëmarrëseve me njohuri dhe teknika të punës në fushën e arsimit të të rriturve. Trajnimi vazhdon më 28 dhe 29 tetor 2006. Në fund të trajnimit, të gjithë pjesëmarrësit do t’i nënshtrohen procedurës për certifikim.

......................................
KEC në bashkëpunim me zyrën e KFOR-it Italian në Pejë fillon trajnimin e 35 mësimdhënësve të sh.f. "Isa Boletini" në Isniq
■ 01/09/2006

Më 1 shtator 2006 fillon trajnimi i 35 mësimdhënësve të shkollës fillore "Isa Boletini" në fshatin Isniq të komunës së Deçanit, në kuadër të programit të Mendimi Kritik gjatë Leximit dhe Shkrimit (MKLSh). Seminari i parë do të mbahet më 1 dhe 2 shtator, ndërsa trajnimi pritet të përfundojë më 3 dhjetor 2006. Ky trajnim është mundësuar falë bashkëpunimit të Qendrës për Arsim të Kosovës (KEC) me zyrën e KFOR-it Italian në Pejë.


......................................
Ka përfunduar trajnimi i programit “Hap pas Hapi” për klasën e tretë të shkollës fillore
■ 30/08/2006
Sot (e mërkurë), në lokalet e Qendrës për Arsim të Kosovës (KEC) përfundoi trajnimi treditor i programit “Hap pas Hapi” për klasën e tretë të shkollës fillore. Pjesëmarrësit në trajnim ishin mësues të shkollave fillore, të punësuar në administratën arsimore, zyrtarë të arsimit, pedagogë, profesorë dhe studentë të universitetit, si dhe trajnerë të programit. Pjesëmarrësit janë trajnuar lidhur me metodologjinë Hap pas Hapi në klasën e tretë, përshtatjen ndaj stileve të ndryshme të mësimnxënies në klasë, mësimin me tema që përfshijnë grup lëndësh, menaxhimin e klasës, strategjitë e mësimdhënies që nxisin motivimin për të lexuar teknika dhe strategjitë që nxisin aftësitë e të shkruarit tek nxënësit, matematikë, shkencë, edukim shoqëror, teknikat për të qenë mësues i suksesshëm etj. Pas përfundimit të trajnimit treditor (24 orë), 39 vetë u certifikuan për pjesëmarrje në trajnim.
......................................
Ka përfunduar cikli i trajnimeve në kuadër të projektit “Strategjitë e reja të mësimdhënies dhe të nxënit”
■ 03/07/2006

Ka përfunduar trajnimi fillestar i programit “Hap pas Hapi” për klasën e parë të shkollës fillore, që u mbajt nga 26 deri më 30 qershor në lokalet e Qendrës për Arsim të Kosovës (KEC). Programi u dedikohet mësuesve të shkollave fillore, të punësuarve në administratën arsimore, zyrtarëve të arsimit, pedagogëve, profesorëve dhe studentëve të Universitetit, si dhe trajnerëve të programit.

Pas përfundimit të trajnimit pesëditor (40 orë), 22 pjesëmarrës u pajisën me certifikatë për pjesëmarrje.

Përfundoi pjesa e dytë e trajnimit në kuadër të projektit ‘Edukimi kundër korrupsionit’

Nga 24 deri më 26 qershor 2006 në lokalet e Qendrës për Arsim të Kosovës (KEC) u mbajt pjesa e dytë e trajnimit në kuadër të projektit ‘Edukimi kundër korrupsionit’. Në këtë trajnim u paraqitën rezultatet e monitorimit të deritanishëm, sikurse që edhe u zhvilluan ligjërata dhe koncepte të ndryshme për përgatitjen e trajnerëve në kuadër të këtij projekti.

Në ditën e tretë të trajnimit (e hënë, 26 qershor), në cilësinë e ligjëruesit, në trajnim mori pjesë edhe Ministri i Drejtësisë, z. Jonuz Salihaj, i cili ndër të tjera foli për punën e ministrisë që udhëheq në luftimin e korrupsionit si dhe për planin për krijimin e Agjensionit për Anti-korrupsion të Kosovës. Me këtë rast, z. Salihaj përmendi disa përparime që janë shënuar në luftimin e korrupsionit në shoqërinë kosovare që nga themelimi i Ministrisë së Drejtësisë, sikurse edhe iu përgjigj pyetjeve të pjesëmarrësve në trajnim.

Në mbarim të trajnimit, 32 pjesëmarrës u certifikuan për pjesëmarrje në trajnim. Më vonë, një pjesë e pjesëmarrësve në trajnim, që përmbushin kriteret për certifikim të programit, do të certifikohen si trajnerë dhe pastaj do të angazhohen në trajnimin e 210 mësimdhënësve në mbarë Kosovën.

Projekti ‘Edukimi kundër korrupsionit’ ka për qëllim vetëdijesimin për format dhe mënyrat e shfaqjes së korrupsionit në arsim dhe shoqëri, strategjitë dhe mënyrat e luftimit të tij, si dhe aftësimin e mësimdhënësve të lëndëve shoqërore për të përfshirë idenë e luftës kundër korrupsionit gjatë shtjellimit të temave të ndryshme brenda kurrikulit ekzistues.