Edukimi kundër Korrupsionit (EKK)

Personi kontaktues: Melinda Mula

■ Përshkrimi i programit

Programi “Edukimi kundër korrupsionit- EKK“ është nismë e Institutit për Shoqëri të Hapur në New York dhe Konsorciumit Ndërkombëtar të Programit “Mendimi Kritik gjatë Leximit dhe Shkrimit- MKLSh“. Programi është duke u implementuar në 7 vende të Evropës dhe Azisë. Në Kosovë, që nga viti 2006, ky program implementohet nga Qendra për Arsim e Kosovës - KEC.

Projekti synon rritjen e vetëdijës së qytetarëve mbi korrupsionin dhe mënyrat e luftimit të tij përmes aftësimit të mësimdhënësve për të përfshirë idenë e luftës kundër korrupsionit në kurrikulumin shkollor. Në kuadër të këtij projekti do të inicohen aktivitete të ndryshme, të cilat do t'i kontribuojnë instalimit të mekanizmave kundër korrupsionit në institucionet shkollore.

■ Synimi

Reduktimi i praktikave korruptive në shoqëri përmes promovimit të qytetarisë aktive dhe mobilizimit të qytetarëve kundër korrupsionit.

■ Qëllimi

Rritja e vetëdijes së qytetarëve për korrupsionin dhe mënyrat e luftimit të tij.


■ Programi EKK aftëson pjesëmarrësit:

► Të identifikojnë format e ndryshme të paraqitjes së korrupsionit në shoqëri, si dhe strategjitë për luftimin e tij.

► Të përfshijnë idenë e luftës kundër korrupsionit në kurrikulin e tyre mësimor.

► Të krijojnë klasa që nxisin diskutim të hapur dhe të përgjegjshëm, që i kontribuojnë vetëdijesimit të nxënësve për ndikimin e korrupsionit në pengimin e zhvillimit të shoqërive demokratike.

► Të krijojnë një mjedis të përshtatshëm në klasë përmes përdorimit të teknikave të shumëllojshme e të efektshme, të cilat ndihmojnë nxënësit në procesin e përvetësimit të njohurive për të mos rënë pre e dukurive korruptive.

► Të organizojnë aktivitete ekstra-kurrikulare me nxënës për sensibilizimin e opinionit publik.

► Të bëhen burim përvoje dhe njohurish për mësimdhënësit e tjerë.


■ Struktura e programit

Programi organizohet në formë të seminarit treditor. Pas përfundimit të seminarit pjesëmarrësit monitorohen në klasat e tyre dhe certifikohen për pjesëmarrje. Programi ka 25 orë.

Programi për përgatitjen e trajnerëve zgjat 3 ditë trajnim, ku pjesëmarrësit aftësohen për punë me të rritur dhe përhapjen (mbajtjen) e trajnimit për kolegët e tyre.


■ Disa nga të arriturat e deritanishme:

► Trajnimi i 250 mësimdhënësve në 7 regjionet e Kosovës

► Certifikimi i 19 trajnerëve të programit

► Publikimi i fletëpalosjeve